ტემპუსის პროექტის „ტრანსნაციონალური განათლების ხარისხისა და აღიარების ხელშეწყობა სომხეთსა და საქართველოში“ ფარგლებში, 21-22 სექტემბერს, გაიმართა სამუშაო შეხვედრა პარიზში, იუნესკოს განათლების დაგეგმვის საერთაშორისო ინსტიტუტში. სამუშაო შეხვედრაზე განხილულ იქნა ტრანსნაციონალური განათლების რეგულირებისა და ხარისხის უზრუნველყოფის საკითხები სომხეთსა და საქართველოში. განათლების ხარისხის განვითარების ეროვნული ცენტრის კოორდინირებით შეხვედრაზე წარმოდგენილი იყო სამუშაო ჯგუფთან ერთად მომზადებული სახელმძღვანელო პრინციპები. სამწლიანი პროექტის ფარგლებში იგეგმება ერთობლივი პროგრამების შესაბამისი მეთოდოლოგიის შემუშავება და საპილოტე აკრედიტაციის განხორციელება პარტნიორ უნივერსიტეტებში.

ტემპუსის პროექტის კოორდინატორია ფრანგული უნივერსიტეტი სომხეთში. პროექტის პარტნიორები არიან: დიდი ბრიტანეთის უმაღლესი განათლების ხარისხის უზრუნველყოფის სააგენტო (QAA), ხარისხის უზრუნველყოფის განვითარების ევროპული ფონდი (EFMD), სომხეთის განათლების ხარისხის ცენტრი (ANQA), იუნესკოს განათლების დაგეგმვის საერთაშორისო ინსტიტუტი (საფრანგეთი), კავკასიის უნივერსიტეტი, აკაკი წერეთლის სახელმწიფო უნივერსიტეტი, ბათუმის სახელმწიფო საზღვაო აკადემია, საზღვარგარეთ არსებული უმაღლესი საგანმანათლებლო დაწესებულებები.