პროფესიული განათლების რეფორმის საკითხებზე სამუშაო შეხვედრები გაიმართა

23 ივნისი 2016

20-22 ივნისს, განათლების ხარისხის განვითარების ეროვნული ცენტრის ინიციატივით და გაეროს განვითარების პროგრამის მხარდაჭერით ბორჯომში პროფესიული განათლების რეფორმის საკითხებზე სამუშაო შეხვედრები გაიმართა. შეხვედრების თემატიკა მოიცავდა დუალური განათლების ელემენტების შეტანას მოდულურ პროგრამებში და მათ პილოტირებას, ასევე ზოგადი განათლების კომპონენტის ინტეგრირებას პროფესიულ განათლებაში.  

შეხვედრას ცენტრის, განათლებისა და მეცნიერების სამინისტროს, არასამთავრობო ორგანიზაციების, პროფესიული საგანმანათლებლო დაწესებულებების და სოფლის მეურნეობის სფეროში მოქმედი საწარმოების წარმომადგნლები ესწრებოდნენ.

პროფესიულ განათლებაში გერმანული მოდელის დანერგვა მთავრობის მიერ დეკლარირებული პრიორიტეტია, რამაც მნიშვნელოვანი სტიმული უნდა მისცეს შრომის ბაზრის უზრუნველყოფას კვალიფიციური კადრებით, ხოლო ზოგადი განათლების კომპონენტის ინტეგრირება პროფესიულ განათლებაში, დღემდე არსებული საგანმანათლებლო ჩიხის აღმოფხვრას ისახავს მიზნად.

პროფესიული განათლების რეფორმის საკითხებზე სამუშაო შეხვედრები გაიმართა