23 ივნისს,  განათლების ხარისხის განვითარების ეროვნულ ცენტრში ჩატარდა ჯანდაცვის, სოციალური დაცვის მიმართულების დარგობრივი საბჭო, სადაც განიხილეს ინსტრუქტორი-რეაბილიტატორისა და ბებიაქალის პროფესიული სტანდარტები და პროფესიული საგანმანათლებლო პროგრამების ჩარჩო დოკუმენტები.

ჯანდაცვის, სოციალური დაცვის მიმართულების დარგობრივმა საბჭომ, რომელიც დამსაქმებელთა, დასაქმებულთა, საგანმანათლებლო დაწესებულებებისა და სახელმწიფო უწყებების წარმომადგენლებით არის დაკომპლექტებული, დადებითი რეკომენდაცია მისცა ცენტრის დირექტორს ინსტრუქტორი-რეაბილიტატორისა და ბებიაქალის პროფესიული სტანდარტებისა და პროფესიული საგანმანათლებლო პროგრამების ჩარჩო დოკუმენტების დამტკიცებასთან დაკავშირებით, ამასთან, საბჭოს წევრთა მსჯელობისა და ერთიანი გადაწყვეტილების საფუძველზე, ბებიაქალის პროფესიულ სტანდარტსა და პროგრამას შეეცვალა დასახელება და ეწოდა მეან-ექთანი.