23 ივნისს, განათლების ხარისხის განვითარების ეროვნულ ცენტრში ჩატარდა ხელოვნების, განათლების, ჰუმანიტარული მიმართულების დარგობრივი საბჭო. სხდომაზე განიხილეს სავალდებულო ზოგადი მოდულები, შესაბამისი მიმართულების პროფესიული სტანდარტები, პროფესიული საგანმანათლებლო პროგრამების ჩარჩო დოკუმენტები და სასწავლო გარემოსა და მინიმალური მატერიალური რესურსის ტექნიკური მახასიათებლები.

დარგობრივმა საბჭომ, დადებითი რეკომენდაცია მისცა ცენტრის დირექტორს ინტერპერსონალური კომუნიკაციის სავალდებულო ზოგადი მოდულის, რაოდენობრივი წიგნიერების სავალდებულო ზოგადი მოდულის, ბაღის დიზაინერის, ვიდეო ოპერატორის, ტელე-რადიო მემონტაჟის პროფესიული სტანდარტებისა და შესაბამისი პროფესიული საგანმანათლებლო პროგრამების ჩარჩო დოკუმენტების დამტკიცებასთან დაკავშირებით, ასევე, დადებითი რეკომენდაცია გაუწია მუსიკის რეპეტიტორის, პიანისტ-აკომპანიატორის, იუველირის, მემინანქრის, ფოტოგრაფისა და მქარგავის პროფესიულ საგანმანათლებლო პროგრამებში შემავალი სასწავლო გარემოსა და მინიმალური მატერიალური რესურსების ბაზებისთვის შემუშავებული ტექნიკური მახასიათებლების მიღებას.