FAQ

მოდულური პროგრამების მასწავლებლების ონლაინ გამოკითხვა ჩატარდა

29 ივნისი 2016


პროფესიულ კვალიფიკაციათა განვითარების ხელშეწყობის პროგრამის ფარგლებში ა.წ. ივნისის თვეში დაიგეგმა და განხორციელდა მოდულური პროგრამების მასწავლებლების ონლაინ გამოკითხვა.

გამოკითხვა მიმდინარეობდა Google Drive - ფორმაში, რაც უფრო მოქნილს ხდიდა პროცესს. საერთო ჯამში გამოკითხვაში მონაწილეობა მიიღო 263 პედაგოგმა. გამოკითხვა იყო ანონიმური და პედაგოგებს ჰქონდათ საშუალება თამამად დაეფიქსირებინათ თავიანთი მოსაზრება მოდულურ სწავლებასთან მიმართებაში.

გამოკითხულთა 89 % დადებითად აფასებს მოდულური პროგრამების დანერგვის მნიშვნელობას პროფესიული განათლების ხარისხის განვითარებისათვის.

გამოკითხვამ აჩვენა, რომ გამოკითხული პედაგოგების 99,2% ჩართულია მოდულური პროგრამების განხორციელებაში. 84,4% თვლის, რომ მოდულური პროგრამები უკეთ ასახავენ დამსაქმებელთა მოთხოვნებსა და საჭიროებებს. 87, 6% თვლის, რომ მოდულური პროგრამები მეტადაა ორიენტირებული სტუდენტების მიერ პრაქტიკული უნარების გამომუშავებაზე. 88,8 % თვლის, რომ სასწავლო პროცესი უკეთაა უზრუნველყოფილი მოდულური პროგრამის განხორციელებისათვის საჭირო ტექნიკური აღჭურვილობით. 88,3 % თვლის, რომ სასწავლო პროცესი უკეთაა უზრუნველყოფილი მოდულური პროგრამის განხორციელებისათვის საჭირო მასალებით და ნედლეულით.  78,2 % თვლის, რომ მოდულური პროგრამების დანერგვის პროცესი მეტადაა უზრუნველყოფილი დანერგვის მხარდაჭერის აქტივობებით (დანერგვის ექსპერტთა ვიზიტები, ინდივიდუალური და on-line კონსულტაციები, მასწავლებელთა სემინარები და ტრენინგები და სხვა).

გამოკითხვამ აჩვენა, რომ მასწავლებლები 79,2% დანერგვის თითქმის ერთწლიანი გამოცდილების გათვალისწინებით მოდულური პროგრამების დანერგვის გამოწვევად მიიჩნევს  მასწავლებელთა კომპეტენციას სწავლების მეთოდებში.

 



აღნიშნული გამოკითხვა განხორციელდა მოდულური პროგრამების დანერგვის დაწყებიდან ერთი წლის თავზე.