ზოგადსაგანმანათლებლო დაწესებულების ავტორიზაციის სტანდარტები ეხება:

ა) სკოლის ფილოსოფიას;

ბ) სასკოლო კურიკულუმს;

გ) სასწავლო პროცესის ადმინისტრაციულ და ინფრასტრუქტურულ მხარდაჭერას;

დ) მოსწავლეთა მხარდაჭერას.

ზოგადსაგანმანათლებლო დაწესებულების სტატუსის მოპოვების მიზნით ცენტრში საავტორიზაციო განაცხადის წარდგენის წესი განისაზღვრება ცენტრის დირექტორის ინდივიდუალური ადმინისტრაციულ-სამართლებრივი აქტით, რომლის მიხედვით

ზოგადსაგანმანათლებლო დაწესებულება ვალდებულია ცენტრში წარმოდგენილ განაცხადს დაურთოს შემდეგი დოკუმენტები:

ა) ზოგადსაგანმანათლებლო დაწესებულების სტატუსის მაძიებლის მიერ შევსებული თვითშეფასების ფორმა;

ბ) განაცხადის განხილვის საფასურის გადახდის დამადასტურებელი დოკუმენტი;

გ) დამატებითი დანართები, რომლითაც დაწესებულება ადასტურებს სტანდარტების ინდიკატორის/კრიტერიუმის/კომპონენტის შესრულებას. საავტორიზაციო განაცხადს უნდა დაერთოს ავტორიზაციის განაცხადის განხილვის საფასურის გადახდის დამადასტურებელი დოკუმენტი.

ზოგადსაგანმანათლებლო დაწესებულებების ავტორიზაციის საბჭოს გადაწყვეტილების გასაჩივრება შესაძლებელია კანონმდებლობით დადგენილი წესით და ვადაში, სააპელაციო საჩივრის სააპელაციო საბჭოში წარდგენის გზით (შემდეგ მისამართზე: ქ. თბილისი, მ. ალექსიძის ქ. მეორე შესახვევი №2) ან ქ. თბილისის საქალაქო სასამართლოს ადმინისტრაციულ საქმეთა კოლეგიაში სარჩელის შეტანის გზით (შემდეგ მისამართზე: დავით აღმაშენებლის ხეივანი №64).

ავტორიზაციის განაცხადის განხილვის საფასური შეადგენს 500 ლარს

ზოგადსაგანმანათლებლო დაწესებულების სტატუსის მაძიებლად ცნობის შემთხვევაში, ზოგადსაგანმანათლებლო დაწესებულება იხდის ავტორიზაციის საფასურს, შემდეგი ოდენობით:

ა) მხოლოდ დაწყებითი საფეხურის საგანმანათლებლო პროგრამის განხორციელების შემთხვევაში თბილისის, მცხეთისა და რუსთავის მუნიციპალიტეტებში მდებარე საგანმანათლებლო დაწესებულებებისთვის – 5 384.00 ლარს, ხოლო საქართველოს სხვა მუნიციპალიტეტებში მდებარე საგანმანათლებლო დაწესებულებებისთვის - 6 816.00 ლარს;

ბ) მხოლოდ საბაზო საფეხურის საგანმანათლებლო პროგრამის განხორციელების შემთხვევაში თბილისის, მცხეთისა და რუსთავის მუნიციპალიტეტებში მდებარე საგანმანათლებლო დაწესებულებებისთვის – 5 718.00 ლარს, ხოლო საქართველოს სხვა მუნიციპალიტეტებში მდებარე საგანმანათლებლო დაწესებულებებისთვის – 7 038.00 ლარს;

გ) მხოლოდ საშუალო საფეხურის საგანმანათლებლო პროგრამის განხორციელების შემთხვევაში თბილისის, მცხეთისა და რუსთავის მუნიციპალიტეტებში მდებარე საგანმანათლებლო დაწესებულებებისთვის – 5 496.00 ლარს, ხოლო საქართველოს სხვა მუნიციპალიტეტებში მდებარე საგანმანათლებლო დაწესებულებებისთვის – 6 816.00 ლარს;

დ) მხოლოდ დაწყებითი და საბაზო ან მხოლოდ დაწყებითი და საშუალო საფეხურების საგანმანათლებლო პროგრამების განხორციელების შემთხვევაში თბილისის, მცხეთისა და რუსთავის მუნიციპალიტეტებში მდებარე საგანმანათლებლო დაწესებულებებისთვის – 7 496.00 ლარს, ხოლო საქართველოს სხვა მუნიციპალიტეტებში მდებარე საგანმანათლებლო დაწესებულებებისთვის – 9 038.00 ლარს;

ე) მხოლოდ საბაზო და საშუალო საფეხურების საგანმანათლებლო პროგრამების განხორციელების შემთხვევაში თბილისის, მცხეთისა და რუსთავის მუნიციპალიტეტებში მდებარე საგანმანათლებლო დაწესებულებებისთვის – 7 273.00 ლარს, ხოლო საქართველოს სხვა მუნიციპალიტეტებში მდებარე საგანმანათლებლო დაწესებულებებისთვის – 8 927.00 ლარს;

ვ) ზოგადი განათლების დაწყებითი, საბაზო და საშუალო საფეხურების საგანმანათლებლო პროგრამის განხორციელების შემთხვევაში თბილისის, მცხეთისა და რუსთავის მუნიციპალიტეტებში მდებარე საგანმანათლებლო დაწესებულებებისთვის – 9 162.00 ლარს, ხოლო საქართველოს სხვა მუნიციპალიტეტებში მდებარე საგანმანათლებლო დაწესებულებებისთვის – 11 372.00 ლარს.

თბილისის მუნიციპალიტეტის ფარგლებს გარეთ, კერძო სამართლის იურიდიული პირის ფორმით დაფუძნებული, ზოგადსაგანმანათლებლო დაწესებულების სტატუსის მაძიებელი, რომელიც საავტორიზაციო განაცხადში მოსწავლეთა ადგილების ზღვრულ რაოდენობად მიუთითებს 170-ზე ნაკლებ ადგილს, სარგებლობს ,,საგანმანათლებლო დაწესებულებების ავტორიზაციის საფასურით“ დადგენილი საფასურების 50%-იანი შეღავათით ერთჯერადად.

ასეთ შემთხვევაში, თუ ზოგადსაგანმანათლებლო დაწესებულება ავტორიზაციის მინიჭებიდან 2 წლის განმავლობაში ცენტრს მიმართავს მოსწავლეთა ადგილების ზღვრული რაოდენობის გაზრდის შესახებ განაცხადით და განაცხადში მიუთითებს 170 ან მეტ ადგილს, ზოგადსაგანმანათლებლო დაწესებულება მოსწავლეთა ადგილების რაოდენობის გაზრდისათვის დადგენილ საფასურთან ერთად, დამატებით გადაიხდის თანხის იმ ოდენობას, რაც პირველადი ავტორიზაციის ეტაპზე, გათვალისწინებული შეღავათიდან გამომდინარე მის მიერ არ იქნა გადახდილი. აღნიშნული პირობა არ გავრცელდება იმ შემთხვევებზე, როდესაც ზოგადსაგანმანათლებლო დაწესებულება საბჭოს მიერ განსაზღვრულ მოსწავლეთა ადგილების ზღვრულ რაოდენობას გადააჭარბებს კანონმდებლობით დადგენილ შემთხვევებში

ხაზინაში თანხების ჩარიცხვისათვის საჭირო რეკვიზიტები: 

მიმღების ბანკი - სახელმწიფო ხაზინა 
მიმღების დასახელება - ხაზინის ერთიანი ანგარიში 
ბანკის კოდი - TRESGE22 
მიმღების ანგარიში/სახაზინო კოდი - 707637113 (სსიპ - განათლების ხარისხის განვითარების ეროვნული ცენტრის მიერ გაწეული მომსახურების საფასური)
 

არანაკლებ 180 კალენდარული დღით ადრე.

ავტორიზაციის შესახებ ან ავტორიზაციაზე უარის თქმის შესახებ გადაწყვეტილება მიიღება ავტორიზაციის საფასურის გადახდის დამადასტურებელი დოკუმენტის ცენტრისთვის ოფიციალურად წარდგენიდან 180 კალენდარული დღის განმავლობაში.

ავტორიზაციაზე უარის თქმის შემთხვევაში ზოგადსაგანმანათლებლო დაწესებულების სტატუსის მაძიებელი ვერ მოიპოვებს ზოგადსაგანმანათლებლო დაწესებულების სტატუსს, ხოლო ავტორიზაციის გაუქმების შემთხვევაში ზოგადსაგანმანათლებლო დაწესებულება კარგავს ზოგადსაგანმანათლებლო დაწესებულების სტატუსს.

ასეთ შემთხვევებში მოსწავლეებმა უნდა ისარგებლოს მობილობის უფლებით ან მათ შეუჩერდებათ მოსწავლის სტატუსი საქართველოს მოქმედი კანონმდებლობის შესაბამისად.

ზოგადსაგანმანათლებლო დაწესებულება ვალდებულია, განახორციელოს ყოველწლიური თვითშეფასება.

თვითშეფასების ფორმასა და განხორციელების წესს განსაზღვრავს ცენტრის დირექტორი ინდივიდუალური ადმინისტრაციულ სამართლებრივი აქტით, რომელიც ქვეყნდება საჯაროდ.

ავტორიზაციის ვადა 9 წელი

საბჭოს გადაწყვეტილება, მიღებიდან 10 სამუშაო დღის ვადაში ქვეყნდება ცენტრის ვებგვერდზე. გადაწყვეტილების გამოქვეყნებასთან ერთად ცენტრის ვებგვერდზე ქვეყნდება ექსპერტთა ჯგუფის დასკვნა და საბჭოს სხდომის ოქმი.

ავტორიზებული ზოგადსაგანმანათლებლო დაწესებულებების ჩამონათვალი განთავსებულია „ზოგადი განათლების ხარისხის უზრუნველყოფის“ ( https://eqe.ge/ka/page/static/93/zogadsaganmanatleblo-datsesebulebebi ) რუბრიკაში.